【隨筆】有一種鞋，我尊稱佢為「爛腳鞋」

有一種鞋，我尊稱佢為「爛腳鞋」。

它很美，但總是會著爛腳。

無論你用盡任何方法，都只能讓它舒適度稍微提高，但它仍然站在爛腳的一邊。

所以⋯ 除非你當日想美美的，而又只需活動數小時，又或者邊日想爛腳，就可以選擇著它。

有些男士或不愛好高跟鞋的女生會說：「咁唔舒服就咪鬼著啦！」乜我有講過我追求緊舒服咩？想舒服我就著屋企對拖鞋啦！相信各位愛靚唔愛命的女性應該好有同感。

記得有次名店開倉見到對鮮橘色的高跟鞋大減價，穿上去真的非常非常非常顯高顯瘦不誇張，腳形又美、腿又修長，但係我腳一套上去已經很痛⋯😒 

但卻見到好幾位女生一試穿照鏡子立刻買，真想拍拍她們問「你不覺得腳痛嗎？」所以其實世界上存在住很多愛靚唔愛命的女性，而她們忍受「爛腳鞋」的能耐亦不是講玩笑。

話雖如此，人大了，有時高跟鞋我都選舒服的。和那些外表好美，但爛腳的高跟鞋也漸行漸遠了⋯⋯ 

題外話：這身打扮全身上下，又好像是爛腳鞋最貴，多諷刺。🤔